ਰੱਬਾ ਤੇਰੇ ਲੋਕਾਂ ਨੇ ਮੈਨੂੰ ਜੰਮਦੀ ਨੂੰ ਚਕਰਾਂ ਵਿਚ ਪਾ ਦਿਤਾ

ਰੱਬਾ ਤੇਰੇ ਲੋਕਾਂ ਨੇ ਮੈਨੂੰ ਜੰਮਦੀ ਨੂੰ ਚਕਰਾਂ ਵਿਚ ਪਾ ਦਿਤਾ ,

ਮੇਰੀ ਉਮਰ ਸੀ ਹੱਸਣ ਖੇਡਣ ਦੀ ,

ਪਰ ਇਹਨਾਂ ਧਰਮਾਂ ਵਿਚ ਫਸਾ ਦਿੱਤਾ ,

ਦੱਸ ਕੇਹੜੇ ਨਾਮ ਦੀ ਜਪਾਂ ਮਾਲਾ ,

ਇਥੇ ਤਾਂ ਧਰਮ ਹਜ਼ਾਰਾਂ ਨੇ ,

ਮੈਨੂੰ ਆਪਣੇ ਕੋਲ ਹੀ ਰਹਿਣ ਦਿੰਦਾ ,

ਉਥੇ ਹੀ ਮੌਜ ਬਹਾਰਾਂ ਨੇ ,

ਬਹਿ ਇਥੇ ਹੀ ਤੂੰ ਫੜ ਕਲਮਾਂ ,

ਮੇਰੇ ਹਥ ਮਾਲਾ ਨੂੰ ਫੜਾ ਦਿਤਾ ,

ਰੱਬਾ ਤੇਰੇ ਲੋਕਾਂ ਨੇ …..

ਹਿੰਦੂ ਮੁਸਲਿਮ ਸਿਖ ਇਸਾਈ ਦੇ ,

ਇਥੇ ਨਾਹਰੇ ਲਾਉਣ ਲੋਕੀ ,

ਧਰਮ ਦੇ ਨਾਮ ਤੇ ਵਢ ਟੁੱਕ ਹੁੰਦੀ ,

ਦੰਗੇ ਫਸਾਦ ਕਰਾਉਣ ਲੋਕੀ ,

ਮੇਰਾ ਬਚਪਨ ਜਿਉਣ ਦਾ ਮਿਟਾ ਹੀ ਸਾਰਾ ਚਾ ਦਿੱਤਾ ,

ਰੱਬਾ ਤੇਰੇ ਲੋਕਾਂ ਨੇ ……

ਤੂੰ ਤੇ ਇੱਕ ਹੈਂ ,ਫਿਰ ਨਾਮ ਕਿਉਂ ,

ਵਖੋ ਵਖ ਸਾਰੇ ਲਈ ਜਾਂਦੇ ,

ਤੇਰੇ ਪਿਛੇ ਹੋਣ ਲੜਾਈਆਂ ,

ਈਰਖਾ ਵਿਚ ਸਾਰੇ ਪਈ ਜਾਂਦੇ

ਮਾੜੀ ਕੀਤੀ ਤੂੰ ਨਾਲ “ਰਾਏ ” ਦੇ,

ਓਹਨੂੰ ਵੀ ਬਿਨਾਂ ਦੱਸੇ ਇਥੇ ਹੀ ਘੱਲ ਦਿੱਤਾ ,

ਰੱਬਾ ਤੇਰੇ ਲੋਕਾਂ ਨੇ ਮੈਨੂੰ ਜੰਮਦੀ ਨੂੰ ਚਕਰਾਂ ਵਿਚ ਪਾ ਦਿਤਾ ,

ਮੇਰੀ ਉਮਰ ਸੀ ਹੱਸਣ ਖੇਡਣ ਦੀ ,

ਪਰ ਇਹਨਾਂ ਧਰਮਾਂ ਵਿਚ ਫਸਾ ਦਿੱਤਾ …..!!